(((+++هو برضه مش ده ازدراء أديان ؟؟؟

lorette.shamiyeh 4 اشهر (((+++هو,برضه,مش,ده,ازدراء,أديان,؟؟؟
(((+++هو برضه مش ده ازدراء أديان ؟؟؟

(((+++هو برضه مش ده ازدراء أديان ؟؟؟

++ فين الدولة وحكومتها والرقابة ؟؟

++جريدة الدستور "الغير المحترمه"

++ هل يوجد محامي مصري يقاضي هذة الجريدة الصفراء ؟ )))

نزلت صور ل مجموعة لعيبه من منتخب مصر في شكل ايقونات قبطيه .. و علشان الجريمه تكتمل كتبوا علي الخبر "بركاتك يا عدرا" !!

_ ايه علاقة العدرا ب ماتش كوره .. ولا علشان الجرنال يتباع منه كام نسخه زياده تكتبوا اي مانشيت وخلاص ؟!_

الصور فيها اسقاط واضح علي صور القديسين المشهوره والمتزينه بيها كل كنايس مصر .. ده غير ان صورة كوبر تم تحويل الهاله المقدسه اللي بتبقي حوالين القديس ل كوره و تحويل الكتاب المقدس اللي بيكون ف ايديه ل خطة الماتش ..

الفن القبطي مليان رموز روحيه مسيحيه .. وكل تفصيله فيه بتدل علي رمز من الكتاب المقدس أو من الطقس الكنسي ..

رسام الصور دي شخص اسمه احمد الصبروني ..
عمل الموضوع ده علشان يلفت النظر و يكسب الشهره علي طبق من دهب .. لكنه وباستهتار واضح جرح مشاعر كل مسيحي ف مصر ب الصور "المسيئه" دي ..
وبيقول بالنص ف حواره مع الجريده كلام ف منتهي الخطوره .. بيقول الأستاذ انه كتب علي صورة محمد صلاح "ابؤرو" بمعني الملك ..
وشبه كوبر ب "السيد المسيح" نظرآ لشعبيته وسط الجماهير .. !!

والمصيبه ان جريده زي الدستور تنشر الصور وعلي الصفحه الأولي ..

معقول مفيش عاقل ف البلد يقول للناس دي ان اللي عملوه ده عيب وميصحش ؟!
معقول ضاقت بيهم الدنيا ومش لاقيين صور يرسموها ل لعيبة كوره غير الصور دي ؟!
مشوفتش ف الدنيا استهتار و رخامه وتقل دم وعدم احترام لمقدسات الغير زي ما شوفت ف مصر

وبالمناسبه .. نفس الجريده عملت حوار مع اباء كهنه و متخصصين ف الفن القبطي وأعلنوا غضبهم من الصور و تشبيه كوبر بالسيد المسيح ..

الفن ليه احترامه وتقديره .. لكن المقدسات والرموز الدينيه خط احمر .. ومينفعش ابدآ ب أي شكل م الأشكال يتم اهانتها تحت اي بند أو مسمي ..

كلنا كنا ورا المنتخب الوطني ف الماتشات بتاعته ؛ لدرجة ان معظم كنايس مصر فتحت ابوابها للكل علشان يتجمعوا جوه نادي الكنيسه ف حب مصر والتشجيع لمنتخب شايل اسم الوطن .. حتي لو مفيهوش واحد مسيحي يوحد الله .. لكن حبنا وتشجيعنا لمنتخبنا القومي ميخلناش نقبل ب اهانة رموزنا ابدآ ..
منقووول

#احترموا_مقدسات_غيركم

منقول من الاقباط اليوم

شارك بكتابة تعليق

قم بتسجيل الدخول لكتابة تعليق

أبحث عن ..