معجزة للشهيد بيشوي القمص دانيال ورجوع روح والد يوستينا من الموت

lorette.shamiyeh 2 اشهر معجزة,للشهيد,بيشوي,القمص,دانيال,ورجوع,روح,والد,يوستينا,من,الموت
معجزة للشهيد بيشوي القمص دانيال ورجوع روح والد يوستينا من الموت

معجزة للشهيد بيشوي القمص دانيال ورجوع روح والد يوستينا من الموت😲😍
احنا كنا مسافرين اسكندريه انا وأمي وأختي وبابا وخالتي وأطفالنا يوم الخميس اللي فات وكنا حجزنا شقه المصيف لمده أسبوع ماما كانت بتكلم خالتي علي شهداء كنيسة مارجرجس طنطا ف خالتو قالت لماما دول مبيعملوش حاجه كل مطلب منهم حاجه مبيعملوهاش ف ماما طبعا قالتلها دول عظماء وشفاعتهم حلوة والنهارده صحينا الصبح عشان نروح البحر وفجأة لقينا صوت ف الصاله غريب طلعنا نجري لقينا بابا ف حاله صعبة ومتشنج وكان بيموت نزلت انا ادور علي حد يودينا المستشفي صليت ع السلم وطلبت شفاعتهم والعدرا والبابا كيرلس وأبونا سمعان لقيت واحد ف الشارع بيقولي مالك قولتله بابا تعبان جه معايا هو وواحد تاني وطلعنا لقيت ماما بتقولي خلاص خلاص دخلت لقيت بابا ف حاله شخيرة ورغاوي نازله من بقه وايده اترمت وسابت فعلا كان في حاله موت قولتلها بابا بيموت قالتلي متقوليش كده وخبطت ع صدر بابا يا شهداء طنطا كذا مرة خبط جامد وماما مسكت صورة بيشوي ابن ابونا دانيال وخبطت عليه جامد وزعقتله اعمل حاجه يا بيشوي وأختي اتشفعت بالشهيد بيشوي نادي ولقينا بابا بدء يفوق نزلنا بيه المستشفي بتاعت مارمرقس الدكتور عمله تحاليل وقالنا في نسبه حموضه ف الدم ﻻزم يدخل العناية المركزة بس مكنش في سراير في المستشفي فنزلت لفيت علي مستشفي تانية اشوف مكان وبرضو ملقيتش وفي اﻻخر رجعت للدكتور اللي كتب التقرير وقولتله ينفع يروح طنطا قالي ﻻ فضلنا نتحايل قالنا حياته ف خطر هاتوا إسعاف تنقله لمستشفى تانية لكن تروحوا لطنطا ﻻ كنا مكلمين جوز اختي وجه بعربيته وصممنا واخدناه وحطينا صورة الشهداء ع صدرة طول الطريق لحد موصلنا مستشفي اﻻمريكان واتعمله تحاليل واتشفعت بالشهيد عادل سليمان والحمدلله طلعت كويسه فيها بس نسب زايده حاجات بسيطة بس نشكر ربنا جه البيت وربنا يكمل علي خير ومن ساعتها خالتي رايحه جاية تعتذر لشهدائنا الأبرار بركتهم تكون معانا بشهدلكم انكم فعلا قديسين اقوياء جدا
 

شارك بكتابة تعليق

قم بتسجيل الدخول لكتابة تعليق

أبحث عن ..