القصة حقيقية .. حصلت من شهرين .. فى منطقة العمرانية بالقاهرة

lorette.shamiyeh 5 اشهر القصة,حقيقية,..,حصلت,من,شهرين,..,فى,منطقة,العمرانية,بالقاهرة,
القصة حقيقية .. حصلت من شهرين .. فى منطقة العمرانية بالقاهرة
القصة حقيقية .. حصلت من شهرين .. فى منطقة العمرانية بالقاهرة 

في تاجر آدوات منزلية راح للقسم لتنفيذ حكم قضائى على سيدة آخدت منه ثلاجة بالقسط علشان تجوز بنتها واتآخرت عليه فى دفع الآقساط و فعلا ذهب آمناء المباحث الى عنوان السيدة لتنفيذ الحكم فوجدوا ان السيدة مسنة و مريضة و لا تستطيع الحركة و حالتها صعبة جدا
و رجعوا للقسم و لم يحضروا السيدة المسنة اللى عليها الحكم
تاجر الآدوات المنزلية لم يعجبه هذا التصرف و اصر على تنفيذ الحكم و طلب ان ينفذ رئيس المباحث الحكم بنفسه
و بالفعل ذهب رئيس المباحث بنفسه و معاه قوة من القسم لتنفيذ الحكم فوجد السيدة مسنة و حالتها الصحية و المادية صعبة للغاية
و لما سآلها ليه يا حاجة مدفعتيش الاقساط اللى عليكى ؟
-قالتله يا ابنى العلاج بقى غالى قوى و المعاش زى ماهو و بنتى مش بتساعدنى علشان هى و جوزها على قد حالهم و انا اتحايلت على ؟؟(التاجر) انه يصبر عليا شوية و انا هدفعهم علشان مش عاوزة اقابل ربنا و انا فى ذمتى حاجة لحد
المقدم تامر فراج انتى عليكى كام يا حاجة من تمن الثلاجة؟
-1300 جنيه يا ابنى
راح التاجر قاله لا ياباشا عليها 2000 جنيه
1300 جنيه متاخر و 200 جنيه فوائد و 500 للمحامى ..!

رئيس المباحث كتم غيظه و قاله اتفضل روح محلك و فلوسك الست هتبعتهالك بعد ساعة زمن و بالفعل التاجر راح محله و طلع المقدم تامر فراج ال 2000 جنيه من جيبه و بعتهم الى التاجر و طلب منه يخلص موضوع القضية
الست قعدت تدعى ل رئيس المباحث اكتر من ساعة متواصلة و هى بتعيط
رئيس المباحث طلب من السيدة عمل توكيل لمحامى علشان ينهى القضية و تكفل المقدم تامر فراج بجميع تكاليف القضيه وتابعها بنفسه

نماذج مشرفه لرجال الشرطه المصريه
الصورة المرفقة لـ المقدم المحترم بطل القصة .
 
 
 

شارك بكتابة تعليق

قم بتسجيل الدخول لكتابة تعليق

أبحث عن ..