"ميزان عدل الله"

lorette.shamiyeh 5 اشهر "ميزان,عدل,الله"

"ميزان عدل الله"

اتنين اطفال راحوا سوبر ماركت يشتروا زيتون مخلل
كل واحد عايز بخمسة جنية
الراجل مسك اول طبق ووزن فيه بخمسه جنيه وحطه في شنطه واداهوله
وجه لتاني طفل برده وزن بخمسه جنيه وحطه في شنطه واداهوله
بعد خمس دقايق رجعله واحد منهم وبيتخانق معاه
بيقوله انت اديت لصاحبي خمس زتونات زيادة
انت ظالم ومش عادل في ميزانك
الراجل قاله مش ممكن ده يحصل انتوا الاتنين قد بعض
قاله لا انت اديتني اقل منه
وراح جاب صاحبه وفعلا كان عنده خمس زتونات زيادة في طبقه
الراجل علشان يحسم الأمر
حط الاتنين علي الميزان ووزنهم ، طلعوا نفس الوزن

قالوا ياحبيبي الوزن واحد ، لكن اكيد انت عندك كم واحدة اكبر من عنده
فدي اللي تقلت الميزان وقللت العدد

احنا كل يوم نلوم ربنا على ان غيرنا معاه اكتر مننا
لكن مش قادرين نفهم ان فيه حاجات كتير في حياتنا ميزاننا طابب فيها عنهم ، فيه حاجات معينة سعادتنا بتكون اكبر عنهم.
ممكن يديله حاجات كتيرة تفرحه ، بس في نفس وزن ومقدار حاجه واحدة ممكن تبهجك العمر كله
ربنا واهبنا جميعاً بالسعادة ، لكنه مقسمها علي مواقف ومراحل مختلفة ، لكن في الاخر توتال وكم السعادة " واحد " .

"عادل في جميع ما صنعت واعمالك كلها صدق وطرقك استقامة وجميع احكامك حق" (تتمة سفر دانيال 1: 27)....اذا اتممت القراءه اكتب الحمد لله ...

شارك بكتابة تعليق

قم بتسجيل الدخول لكتابة تعليق

أبحث عن ..