عزيزى الرجل💂

lorette.shamiyeh 9 اشهر ,عزيزى,الرجل💂
 عزيزى الرجل💂

 عزيزى الرجل💂

عارف مراتك اللى شعرها ع طول ملموم بأستك مشدود👀 وطول النهار
وشها عليه تكشيره😟 ورايحه جايه فى البيت تشتغل وتنضف وترتب
مراتك دى اللى لما سيادتك تنادى عليها بصوت جهورى وتقول ( الحقى )
فتيجى مخضوضه من المطبخ تلحق حاجه عيالك وقعوها ولا كسروها
رغم انك قاعد جنبهم😒

عارف مراتك اللى مبقاش عجبك وزنها الزايد🙋 ولا وشها اللى مفيهوش
ميك اب ولا التيشيرت الواسع👕 والبنطلون
القطن اللى هى لابساهم ليل نهار👖

عارف مراتك اللى بتقارنها باللى بييجوا ف التلفزيون💃💃 والاغانى وتقعد
تترحم ع الستات اللى بجد اللى طبعا مبيشتغلوش بره البيت وجوه ولا
شايلين هم واللى طبعا صارفين اد كده ف عيادات التجميل وبيوت الازياء
مراتك اللى بتشتكى انها مبقتش بتدلعك ولا تقعد جنبك ولا تقولك كلمتين حب
مراتك دى ممكن فى ١٠ دقايق تعمل شعرها👧 وتلبس حاجه جذابة
وتعمل شويه ميكب هاديين💅 وتحط من البيرفيوم
المركون جوه ع التسريحه وتيجى تقعد جنبك تدلعلك وتضحكلك😊 وتقولك بحبك

💜 وتخليك متنح من جمالها ورقتها
هى تقدر تعمل كده بسهووووله😘 .....المشكله انها مش عايزه تعمل ده😏
تقدر بس مش عايزه ... فيه فرق كبير
ملهاش نفس ... انت اللى سديت نفسها👩
بانانيتك وعدم مساعدتك حتى لما طلبت منك تذاكر مع الولاد
طنشت وسبت المكان ودخلت تلعب بليستيشن ولا تفتح النت
سديت نفسها بالجمله الشهيره ( انتى بتعملى ايه يعنى ) بدل ما
تقولها كتر خيرك وربنا يقويكى وربنا يخليكى لينا
هى اخر النهار تقدر تيجى ع نفسها شويه وبجمله التعب والشقى طول
اليوم وتدلعك بقى مش الارهاق اللى بيخليها تبعد عنك انما الجفاء ، هى بتبقى شايفاك مش تستاهل دلع ولا غزل لانك مش حاسس بيها وغلس معاها
وساعتها بتشوف ان الفيس اظرف من القعده جنبك او ان ساعتين نوم افيد لها
قبل ما تدور ع حقوقك ادى واجباتك
قبل ما تسأل هى مالها بقت كده. ... شوف كام مره سديت نفسها
وكام مرة سبتها وقعدت ع النت وع القهوة
وكام مره خذلتها وكام مره استخسرت فيها
مجامله رقيقه تقولهالها
وكام مرة عامل فيها روميو وجانتي مع الناس الغريبة
قبل ماتقارن بينها دلوقتى وايام ما كانت عروسه جديده شوف برضه انت كنت بتعاملها ازاى فى شهر العسل
وبتعاملها ازاى دلوقتى!!
احترمها وقدرها وخليك جنتل مان معاها وهى هتبقى زى ما بتتمنى

عزيزى الرجل ... على الله تكون فهمت حاجه تحية لكل ست بتحافظ ع بيتها وجوزها وماشية بما يرضي ربنا صح كلامي ولا لا ياستات قولوا صح 

شارك بكتابة تعليق

قم بتسجيل الدخول لكتابة تعليق

أبحث عن ..