من قلبي بقول لبعض الناس

lorette.shamiyeh 2 اسابيع من,قلبي,بقول,لبعض,الناس
من قلبي بقول لبعض الناس

من قلبي بقول لبعض الناس

شكراً يا جماعة عشان بسببكوا بقينا بنخاف من الزواج ونحس إنه محتاج اتنين خارقين عشان يبقوا مبسوطين !!

شكراً علي جملة : ( انتو لسه شوفتوا حاجة ؟ 😏 ) اللي بتتقال بعد كل خطوة مفروض إنها تفرح ..

بعد الخطوبة لما يلاقوا اتنين شكلهم مبسوطين ، " انتو لسه شوفتوا حاجة ؟ الفترة دي بس حلوة بعدين هتشوفوا الويل "

بعد الزواج " هو اول شهر بس اللي حلو وبعدين هتشوفوا " !

بعد الحمل " هو ده كده تعب ؟؟ اصبري بس ده التقيل جاي ومش هتنامي " !

شكراً عشان بسبب الجملة دي خلتونا مرعوبين ودايما بنفكر

( هو بجد اللي جاي صعب ومش هنقدر عليه ومش هنبقي مبسوطين ؟؟

طب هو احنا بجد حياتنا هتبقي وحشة ؟

،، طب وهنقابل الوحش في ليفل كام ؟ 😱 )

ليه ميبقاش كلامكوا "والله الزواج حلو بس محتاج نشوف ارداة ربنا واختيار كويس وشوية صبر وتحمل مسئولية ،، او بصراحة انا تجربتي في الزواج فاشلة بس في ناس كتير
ناجحين وانتو بإذن ربنا هتكونوا مثال كويس للأزواج السعداء
ليه ميبقاش الكلام كده 😠 ؟؟؟؟

شكراً عشان بتأكدوا لنا إن مفيش واحد مراته بتملي عينه مهما كان بيحبها ومهما كانت جميلة وانها لازم تعمل في نفسها البدع وتعمل عمليات تكبير وتصغير ورجيم وتفتيح وفي الاخر بردو يا يخونها يا يبقي عايش معاها ومش طايقها 😰 !!

شكراً عشان بدل ما تبقي الواحدة متشوقة إنها تبقي أم وان دي مفروض حاجة حلوة 😍 بقى الحمل والولادة محصورين في الترجيع وترهلات البطن وال 20 كيلو اللي الواحدة بتزيدهم وان لازم اجيب ولد عشان حماتي ترضى عني ، وان طبعا بعد ده كله الراجل مش بيقدّر وبيتريق على شكلها ويقولها انتي اصلا بتعملي ايه انتي بتدلعي 😨 !!

شكراً عشان بتقنعونا ان مستحيل تبقي العلاقة بين الزوجة وحماتها كويسة ،، لازم تبقي في مشاكل وكيد ومكر ،، ولازم تبقي حماتي مسودة عيشتي ..

شكراً عشان خلتونا نعرف ان الحب ده حاجة مش موجودة في الزواج ،، ده بيبقي موجود في الخطوبة بس ونهايته مع بداية الزواج ،، وإن أي ست مصرية لازم تكون نكدية ومظلومة وطماعة ومش بترضى ،

وأي راجل مصري عينه زايغة وخاين ومش بيعمل حاجة غير إنه يشخط ويزعق ويأمر وينهي ويضرب كمان ..

شكراً يا ستات ياللي كل كلامكو مع بعض
"يااختي شوفي الراجل باعمل له ايه ومش عاجبه "
"يااختي كل الرجالة كده "
" يااختي زواج ايه وقرف ايه " 😑

شكراً يا رجالة ياللي في قعدتكوا مبتجبوش غير سيرة إن الزواج ده غلطة الواحد مفروض يندم عليها وتقارن زوجتك اللى انت متجوزه من 20 سنه بعروسه جديده وتقول شوف الجمال والرشاقه

بجد شكراااااااااااااااااااااا
ربما تحتوي الصورة على: ‏‏‏شخص أو أكثر‏ و‏نص‏‏‏
لا يتوفر نص بديل تلقائي.

 

شارك بكتابة تعليق

قم بتسجيل الدخول لكتابة تعليق

أبحث عن ..