بالنسبه للبنات ... إيه أغلى حاجه عندك ودايما تهتمى بيها؟ خلينا نقول شعرك .

lorette.shamiyeh 3 اشهر بالنسبه,للبنات,...,إيه,أغلى,حاجه,عندك,ودايما,تهتمى,بيها؟,خلينا,نقول,شعرك,.
بالنسبه للبنات ... إيه أغلى حاجه عندك ودايما تهتمى بيها؟ خلينا نقول شعرك .

بالنسبه للبنات ... إيه أغلى حاجه عندك ودايما تهتمى بيها؟ خلينا نقول شعرك .
طيب تخيلى صحيتى من النوم لاقيتى نفسك من غير شعر وقرعه 😂 ، اه قرعه ماتستغربيش ..
بصى بقى قدامك طريقين ...
يا إما تواجهى المشكله بقلب جامد بمعنى إنك تطلعى قدام الناس كدا ...
فى الاول هاتتعبى نفسيا بعد كدا بمرور الوقت الناس هاتتعود عليكى وانتى كمان هاتتعودى على الوضع الجديد وهاترجع نفسيتك زى زمان واحسن كمان ، دا مش بعيد لما الناس تشوفك قويه ، يطلع الصلع موضه والستات كلها تشيلها زيرو .. اه ماتستغربوش من كلامى ، مين كان يصدق ان البناطيل والتشيرتات المقطعه تطلع موضه 
الطريق التانى بقى 
لو هربتى من المشكله دى وخوفتى تواجهيها وجبتى باروكه تدارى بيها جرحك ، هاتظهرى قدام الناس جميله وحلوه ومبسوطه لكن الحقيقه انك من جوه مدبوحه وخايفه الباروكه تقع والناس كلها تشوف مشكلتك ...
أظن الرساله وصلت وعرفنا ازاى نواجهه أى مشكله فى حياتنا مهما كانت كبيره ومانخافش منها لاننا لو استخبينا منها هاتفضل تطاردنا فى كل حته وحياتنا هاتتقلب بسببها هانخسر حاجات كتيره جدا مقابل مشكله ضعيفه فاكرين انها اقوى مننا ...
انت تعرف ان الأبحاث فى علم النفس بتقول ان الانسان كل ما يواجه مشكله خبراته وثقته بنفسه بتزيد للضعف .
طب انت تعرف كمان انك نسبة نجاحك لما تواجه مشكله بدون خوف بتكون 99% ..
ثق بنفسك ، فتح عينك وأرفع راسك قدام المشكله .. انت اقوى منها

 

شارك بكتابة تعليق

قم بتسجيل الدخول لكتابة تعليق

أبحث عن ..