مايكل سامي

lorette.shamiyeh 2 اسابيع مايكل,سامي
مايكل سامي

البسي يا ولية بسرعة قوام
واجري وصحيلي الواد والبت
ده ابونا باعت واحد مرسال
علشان لبس العيد ،، ياللا ياست
حاضر حاضر فضل ونعمة 
اصحى يامضروب انت وهي
قوم ياللا قوام وانده لختك
يمكن الحق فستان ليا
وصلوا اخيراً عند أبونا
ورالهم كل الموجود
يا خساره اللبس طلع هلكان
كان متكرمش مش مفرود
خد بعضه هو ومراته
بوزهم قدامهم شبرين
الدنيا إسودت في عنيهم
مكنوش عارفين رايحين فين
كان نفسه يسعد اولاده
راح باع المعزة اللي حيلتهم
وبتمن المعزة جاب ليهم
لبس جديد علشان يسعدهم
ووقف في الدار يشكر ربه
واكل المعزة إداه لجيرانه
ماهو ما بقاش ليه لزمه في بيته
من بعد ما جاب لبس ولاده
طيب افرضوا مثلا إنه
ملقاش حاجة تتباع حواليه
زي غيره اللي حالتهم صعبة
تفتكروا كان يعمل ايه
فيه ناس يوم ما تفكر تعمل
الخير علشان تسعد غيرها
تعملوا باللبس المتقطع
اهي حاجة تريح ضمايرها
لو ناوي تتبرع بهدومك
خدها نصيحة بجد ياريت
اديها وكأن اللي واخدها
واحد من افراد البيت

مايكل سامي

شارك بكتابة تعليق

قم بتسجيل الدخول لكتابة تعليق

أبحث عن ..